lunes, 16 de febrero de 2009

Xornada inaugural dos actos do Ano Internacional das Fibras Naturais

2009 ANO INTERNACIONAL DAS FIBRAS NATURAIS.
O LIÑO UNIVERSAL. FONTE DE CULTURA E DESENVOLVEMENTO
Data: Sábado, 07/03/2009
Hora: 11:00 da mañán
Lugar: Palacio de Cristal. O Allo. Baio. Zas

O 2009 foi declarado por Nacións Unidas como Ano Internacional das Fibras Naturais. O senso fundamental desta proposta é o de realzar a importancia das fibras naturais para así fornecer a súa demanda e contribuir a un maior benestar dos agricultores que o producen. A Asociación Amigos do Liño quixo unirse a este acontecemento programando un conxunto de actividades para todo o ano.
Esta xornada constitúe a inauguración dun programa sinxelo pero ambicioso que persegue dar a coñecer a universalidade do liño no espazo e tamén no tempo, e descubrir o seu potencial cultural e económico, nun contexto de desenvolvemento sostible.
Esperamos que este esforzo revirta positivamente en Zas, na Costa da Morte e en Galicia, dentro dunha perspectiva internacional que beneficia á humanidade.

1. Presentación da xornada por parte de Carmen Riveiro Ferreiro. Presidenta da Asociación Amigos do Liño

2. Presentación dos carteis da "Exaltación da Fía do Liño"

3. Mesa redonda sobre "O liño universal. Fonte de cutura e desenvolvemento":

Moderador:
Ricardo García Mira. Doctor en Psicoloxía. Profesor titular de Psicoloxía Social e Ambiental da Universidade da Coruña. Coordinador da Unidade de Investigación Persoa-Ambiente

Intervencións:

A importancia das fibras naturais: o liño no ensino. Utilización do liño en produtos alimentarios.
Santiago Rodilla Labrador. Inxeñeiro técnico textil. Profesor do Ciclo Superior de Patronaxe e Coordinador de Programas Europeos do IES Paseo das Pontes.

Implantación do cultivo do liño para a innovación na alimentación animal.
Ismael Martínez Lede. Director de I+D+I de FEIRACO. Licenciado en Veterinaria e en Ciencias Biolóxicas. Coordinador de Proxectos de I+D na implantación do cultivo de variedades de liño oleaxinoso ricas en Omega-3.

Liño, artesanía e desenvolvemento local
Rosa Mª Sánchez Martínez. Licenciada en Ciencias Empresariais. Máster en Desenvolvemento Local. Técnica de Emprego no Concello de Vimianzo. Copropietaria do establecemento de turismo rural Casa de Trillo. Directiva na Asociación Finisterrae de Profesionais de Desenvolvemento Local (Afiprodel).

Promoción asociativa da artesanía de fibras naturais. O liño.
Manuel González Arias. Presidente da Asociación Galega de Artesáns.

INSCRICIÓNS: Asociación Amigos do Liño. Tel 696 268 923. Sede Rúa Vidal Ríos , 4. Baio.

miércoles, 11 de febrero de 2009

Asociación Amigos do Liño


Creada en 1993, a Asociación Amigos do Liño está desenvolvendo unha importante labor de recuperación da tradición vencellada á manufactura do liño textil, reproducindo no presente antigos traballos, mostra da autosuficiencia da sociedade rural e exemplo da enxeñería industrial empregada polos nosos ancestros.
Esta tradición recuperada ten un valor nos nosos días, tanto na área cultural como na económica. Enriquecemos o noso intelecto dándonos conta da dependencia na que vivimos, e levantámola estima a esos homes e mulleres do campo que tanto sabían. Pero ademáis, o mesmo que pasa con outras artesanías, o liño é tamén un recurso turístico e un producto que se pode vender.
Con todo isto, o que estamos acadando, con moitos atrancos -hai que dicilo-, é visibilizar a artesanía do liño na historia e no presente, e buscamos que todo isto redunde na actividade económica e postos de traballo. A nosa metodoloxía é varida pero simple. Consiste en deixar que o noso traballo se vexa, de distintas maneiras, e celebralo ao final da temporada, como se facía antigamente, coa Comida da Fía. Esta convírtese nun acto social ao que acuden persoalidades da vida galega e da nosa comarca. Xuntamos xempre preto de medio centear de comensais que nos apoian coa súa presenza. Aproveitamos a gran acollida que ten nos medios de comunicación este evento gastronómico, para lembrar un antigo menú composto de migallas de pan con chícharos, patatas con bacallao e papas de arroz. Exhíbimos as nosas tecelás, cantamos, bailamos e mesmo facemos un desfile de moda con prendas modernas feitas con liño.
Como o 2009 é o Ano Internacional das Fibras Naturais, argallamos un programa un programa de actividades máis nutrido do cotián, que agardamos poder levar a bo termo coa axuda de diversas administracións. A FAO é o organismo ao que Naciones Unidas responsabilizou das actividades desta conmemoración.